Xol jooy na weet
Boroom Xilaafa gi dedduna
Fu nuy jëleeti ku mel ni yaw
Boroom Xam-Xam bu mat bi
Boroom Kaalama ku diib gu seel gi
Boroom Njàngale mu xarañ mi
Fu ñuy jëleeti ku tol ne yaw
Yaw mi defar xaleyi
Yaw mi teye jigéen ñi si sëy yi
Yaw mi sa waaraate kat yi
Borom Baat bi sell bi
Sama xol jooy na
Sama róŋoon tuuru nañ
Sama aduna weet na
Seex ahmed Tijaan nopalu na
Seex ahmed Tijaan Si siisuwul
Seex ahmed Tijaan Si Al Maktoom
Ya mat sëriñ
Yaa matalem njàngale
Ay waay ku may wettaleeti
Ana ku may fedaleetil sama diine
Ya sell, ya set, yaa sed
Ya yiiw, yaa ñeme
Yaa aar sam réew
Aar sa diine aar sa ngor
Funuy jeleeti ku mel ne yaw
Seex Mustafa Si mu tedd mi jaalenaa la
Yaw mustarsidin bi jaalena la
Al amiin mu baax mi siggil ndigaale
Umma bi jaalnaa la
Jàmbaari Lislam nelaw na
Yàlla na Yàlla Yokki leeram
Dr Masàmba Géy
